Иртәгә, 9-нчы майда казанлылар «Җиңү тәрәзәсе» дип исемләнгән бөтенроссия патриотик акциясенә кушыла ала. Ил халкына нәкъ төш вакытында тәрәзә янында яки үз фатирының балконына чыгып, Давид Тухмановның «Җиңү көне» җырын башкарырга тәкъдим итәләр.
Проектка спортчылар, актерлар, сәяси эшлеклеләр, башкалар кушылыр, дип көтелә. Чыгышны видеога яздырырга һәм социаль челтәрләрдә #окнопобеды хештэгы белән чыгарырга мөмкин.
Исегезгә төшерәбез, быел Казанда 9-нчы майда Җиңү парады — чара уңай эпидемиологик шартлар урнашкач, соңрак вакытка күчерелде. Җиңү көнен бәйрәм итүне онлайн режимда карап булачак.
Бәйрәмнең үзәк мәйданчыгы гадәттәгечә Җиңү паркы булачак. Бәйрәмгә совет солдатына һәйкәл ачылачак, аның прообразы — Рейхстаг өстенә байрак элүдә катнашкан Гази Заһитов.
Җиңү көнендә шулай ук «Авто ретроклуб-21» республика иҗтимагый оешмасында катнашучылар сугыш еллары автомобильләрендә бәйрәм йөреше ясаячаклар.
Моннан тыш, Казанда дистанцион режимда үлемсез полк акөиясе актив бара. Теләге булган һәркемнең онлайн-йөрешкә кушылу мөмкинлеге бар. Кушылыз, катнашыгыз!
