Татарстан Президенты Рөстәм Миңнеханов республиканың барлык медицина хезмәткәрләрен шәхси саклану костюмнары белән тәэмин итәргә кушты.
Медицина хезмәткәрләрер бик җаваплы участокларда эшли, шуңа күрә беренче чиратта аерым яклауга мохтаҗ. Костюмнарның сертификаты һәм яхшы сыйфатлы булырга тиеш. Әлеге җаваплы эшне кыска вакыт эчендә республиканың сәламәтлек саклау һәм сәнәгать — сәүдә министрлыкларына оештырырга кушылды.
***
Татарстан Президенты Рөстәм Миңнеханов эш сәфәре белән Саба һәм Арча районнарында булды.
Арча районында аграр сектор вәкилләре белән очрашты, язгы кыр эшләренең барышы һәм җирле җитештерүчеләр продукциясе белән танышты. Президент шунда ук «Тукай Юлы» на аяк басты, аңа шул исемдәге туристик проектны, мәдәни-хаҗи, экологик, җәяүлеләр, ат маршрутын тәкъдим иттеләр. Ә Наласа авылында Президентка яңа балалар бакчасы төзелешенең ничек баруын күрсәттеләр, аны 1 сентябрьгә кадәр тапшырырга тиешләр. Шунда ук Рөстәм Миңнеханов сугыш елларында һәлак булганнар һәйкәленә чәчәкләр салды
***
Рөстәм Миңнеханов республиканың Саба районында да фронтта һәлак булганнарны искә алды. Һәйкәлгә чәчәкләр салды. Шулай ук эш сәфәре барышында Корсабаш авылында социаль-мәдәни объектлар, яңа балалар бакчасы, күп функцияле мәдәни үзәк белән танышты. Ә мөмкинлекләре чикле балалар өчен җирле мәктәп-интернатта Президентка башкарылган капиталь ремонтны күрсәттеләр. Аннары Рөстәм Миңнеханов Туктар авылындагы яңа роботлаштырылган сөт комплексында булды.
