Республика предприятиеләре мохтаҗларга ярдәм итүне дәвам итә. Бу юлы башкалабыздагы эре сәүдә челтәре 2 мең тоннадан артык продукт таратырга әзерләнә. Гражданнарның аеруча якланмаган категорияләре июнь ахырына кадәр атнага бер тапкыр азык-төлек җыелмалары алачак. Тулырак киләсе репортажда.
Күргәзмә үзәгенең бер павильоны бу көннәрдә төргәкләү цехы буларак эшли. Монда мохтаҗлар өчен азык-төлек җыелмалары әзерлиләр. Акция «Ярдәм янәшәдә» хәрәкәте кысаларында уза. Ул республика Президенты Рөстәм Миңнеханов инициативасы белән башланып китте.
Республикасы Премьер-министры урынбасары, оператив штаб җитәкчесе Ләйлә Фазлыева,: «Бу хәрәкәт Татарстан Республикасында битараф булмаган кешеләрне, хәзерге шартларда ярдәмгә килергә әзер булган кешеләрне берләштерә.»
«помощь рядом 16 точка рф».
Алар-керемнәре түбән булган өлкәннәр, аз керемлеләр, шулай ук әти-әниләренең берсе алимент түләмәгән гаиләләр. Моннан тыш, кризистан зур зыян күргән үзмәшгуль һәм шәхси эшмәкәрләргә дә булышалар. Гаризалар һәр районда кабул ителә. Акциянең сайты эшли башлады — аның адресы да экранда күрсәтелгән. Шунда ук «Мне нужна помаощь» дигән сервис та эшли башлады – проблеманы күрсәтеп, анкета тутырырга кирәк. Шунда ук ярдәм итәргә теләүчеләр мәгълүмат таба ала. Ә андыйлар күп — акциягә күп кенә предприятиеләр дә кушылды.
Сәүдә челтәре генераль директоры Мөслимә Латыйпова: « Безнең бурыч — эшне сыйфатлы итеп башкару. Продуктларны график белән китереп бирергә кирәк, ашамлыклар яхшы сыйфатлы булырга тиеш. Бернинди дәгъва, кисәтүләр булырга тиеш түгел. Бу эшне әлегә тиешенчә башкарабыз.»
Азык-төлек җыелмасы составына беренче чиратта кирәкле һәм озак саклана торган продуктлар кергән. Макароннар, ярмалар, майлар. Компания көнгә барлыгы 10 меңгә якын шундый җыелма әзерли.
Тукай, Минзәлә һәм Актаныш районнарына азык-төлек төргәкләрен озатканнар инде.
Марат Метшин, Дамир Мөхәммәтханов.
