Бөек Җиңүнең 75 еллыгы уңаеннан Татар Википедиясендә Бөек Ватан сугышында катнашучылар турында мәкаләләр язу марафоны башланды. tt.wikipedia.org
Марафонның максаты – Бөек Ватан сугышында катнашкан кешеләрне искә алу һәм интернет челтәрен алар турында татар телендә язылган дөрес мәгълүмат белән баету. Әлеге чарада
Татар Википедиясендә теркәлгән 14-30 яшьлек һәркем катнаша ала. Мәкаләләр Советлар Союзы каһарманнарына, сугышчан батырлыклары өчен төрле орденнар, медальләр белән бүләкләнүчеләргә багышланган булырга тиеш. Белешмәләр өчен телефон һәм җаваплы кешенең исеме экранда күрсәтелгән.
7-987-405-18-84 Хәбил Сәхәбиев, «Сәләт ВикиМәктәбе» проекты җитәкчесе
Марафон өч этапта үткәрелә. Википедиядә басылган мәкаләләр 20 нче майдан соң тикшерелә. Язмаларга жюри әгъзалары бәя куеп, җиңүчеләр исемлеген төзи. Ә иң яхшы авторларны бүләкләү
9нчы Халыкара «Сәләт» яшьләр уку-укыту форумы кысаларында үткәреләчәк. Марафон «Иң яхшы мөхәррир» һәм «Иң яхшы автор» номинацияләрендә үтәчәк.
Катнашучының гаризасы ике мәйданчыкта татар Википедиясендәге Марафон битендәге таблицада һәм selet.biz сайтында тутырылган формада булырга тиеш.
