Казан метрополитенын төзү дәвам итә. Метроның икенче линиясендә «Айсылу» тоннель үткәрү комплексын эшләтеп җибәрделәр.
Татарстан Президенты Рөстәм Миңнеханов төзелешнең барышын бәяләде. Ул билгеләп үткәнчә, хәзерге катлаулы шартларда масштаблы проектны гамәлгә ашыруны туктатмау турында Карар кабул ителгән. Бу Казанның киләчәк унъеллыкка үсешенең нигезе. Яңа линия киләчәктә Дубравная һәм Яшьлек станцияләрен тоташтырачак. Хәзер эшләр Сахаров урамында бара.
***
Журналистлар да эшне дәвам итә. Рөстәм Миңнеханов «Татмедиа»акционерлык җәмгыятендә булды. Анда шулай ук эш режимы үзгәрде-күп кенә хезмәткәрләр ерактан торып эшли, интервьюлар һәм матбугат конференцияләрен видеоэлемтә режимында оештыралар, социаль челтәрләрдә аудитория белән аралашуга аерым игътибар бирәләр. Республика Президенты үзе безнең компаниянең яңа ачылган “Татарстан авазы » интернет радиосын тыңлавын сөйләде һәм үзенең телефонында урнаштырылган мобиль кушымтаны күрсәтте. Хәзер журналистлар да, медицина хезмәткәрләре дә -алгы планда, дип билгеләп үтте президент.
