Без ТАССР төзелүнең йөз еллыгы уңаеннан йөз исем сәхифәсен дәвам итәбез. Бүген сүзебез танылган шәхесләрнең берсе – танылган композитор Нәҗип Җиһанов иҗаты турында.
Нәҗип Җиһанов күренекле татар композиторы, 20 нче гасырның музыка сәнгатен үстерүгә зур өлеш кертте. Композитор барлык жанрларда да зур мирас калдырды. Симфонияләре, опералар, балетлар, фортепиано өчен язмалары, җырлар, романслар, хор өчен әсәрләр милли музыкабызның классик үрнәкләре булып торалар. Композиторның иҗаты татар музыкасына гына түгел, ә күп кенә башка милли республикалар музыка сәнгатенә дә зур йогынты ясады.
Нәҗип Җиһанов композиторлык иҗатын оештыру һәм җәмәгать эше белән бергә бәйләп алып барды Ул Татарстан композиорлар берлеге оештырылганнан бирле 40 ел чамасы идарә рәисе булып эшләде, 40 елдан артык үз инициативасы белән ачылган Казан дәүләт консерваториясенең ректоры булды. Республикада симфоник оркестр төзелү, сәләтле балалар өчен махсус урта музыка мәктәбе ачылу Нәҗип Җиһанов исеменә бәйле.
Сәләтле композитор, акыллы оештыручы, тәҗрибәле педагог Нәҗип Җиһанов совет һәм татар мәдәнияте тарихына үз заманының талантлы кешесе буларак кереп калды.
1995 нче елга Җиһанов исеме кече планеталарның берсенә бирелде. 2001 нче елдан бирле Казан Дәүләт консерваториясе Нәҗип Җиһанов исемен йөртә.
