Язның бер көне — елны туйдыра ди халык. Буа районы аграрийлары да язгы чәчүгә кереште. Беренчеләрдән булып әлеге эшкә “Нур”, “Ямбулат” һәм “Авангард” агрофирмасы хуҗалыклары тотынды. Туфракта җылылык 5 градустан югары, дымлылык та җитәрлек. Әлегә кадәр район тарихында 1 апрель башында ук язгы чәчүгә чыкканнары булмаган. “Техниканың төзек һәм җитәрлек булуы кыска срокларда чәчү эшләрен башкарып чыгарга мөмкинлек бирә”-, ди хуҗалык җитәкчеләре. Язгы кыр эшләренең барышы безнең алдагы сюжетта.
Иртәнге тугыз. Тургайлар тавышына кушылып кырда трактор гөрелтесе ишетелә. “Авангард” агрофирмасының “Маяк” бүлекчәсе кырында арпа чәчәләр. Ике агрегат 1 сменада 50шәр га бөрекләрне җир куенына кертергә өлгергән.
Агрофрмада барлыгы 16 мең га язгы кыр эшләре башкарасы бар. Моның өчен 28 чәчәү комплексы җәлеп ителәчәк. Техникалар һәм минераль ашламалар җитәрлек күләмдә. Бер га 100-150кг исәбеннән кертелә.
“Авангард” агрофирмасының генераль директор урынбасары Расыйх Яфизов: ”Чәчү эшләрендә безнең тулы әзерлек. Без һәрбер культураны катлаулы менераль ашламалар белән 1га 100-150 кг исәбеннән чәчәбез”
Эш әлеге бер генә сменада алып барыла. Киләчәктә, көннәр җылына төшкәч, 3мең га язгы бодай, 2мең га кукуруза, 1мең га соя чәчәчәкләр.
Бусы шул агрофрманың “Үзәк” бүлекчәсе кырлары. Биредә чәчүне Джондир агрегаты белән чәчәләр. Берьюлы 9метр киңлектә 60 буразна алып барырга сәләтле әлеге агрегатның эшен компьютердан карап барырга мөмкин. Дмитрий Сидоров 10нчы ел язгы чәчү эшләрендә катнаша.Техниканың уңайлылыгын бәяли.
Механизатор.Дмитрий Сидоров:”Монда бар да җайлы, компьютер барысын да күрсәтеп бара. Быел язгы чәчүгә гадәттәгедән иртәрәк чыктык. Һава торышлары әйбәт булганда, эшне кыска срокларда үтәп чыгасы иде”
Язгы чәчү белән беррәттән районда дымга каплату, күпьеллык үләннәрне тукландыру эшләре дә алып барыла. Хуҗалыкта хезмәт хакыннан тыш, кызыксындыру чаралары да каралган.
“Авангард” агрофирмасының генераль директор урынбасары Расыйх Яфизов: “Әгәр дә механизаторлар үзләренә тапшырылган эшләрен яхшы, сыйфатлы, вакытында үтәсәләр, төп эш хакларына өстәмә 80% премия түләнәчәк”
Моннан тыш арпа чәчәргә “Ямбулат” һәм “Нур” крестьян фермерлык хуҗалыклары да кереште.
Ранис Әхмәтшин, Айрат Насруллов.
