ТАССР төзелүнең 100 еллыгна 100 исем.Татар композиторлары арасында Салих Сәйдәшев аерым урын алып тора: ул, заманча татар профессиональ музыкасына нигез салучы, күренекле композитор, үзенең иҗаты белән традицион һәм заманча татар музыкасын бәйләүче.
Салих Сәйдәшевнең талантлы әсәрләре профессиональ музыкантларга һәм киң даирә музыка сөючеләргә яхшы билгеле. Салих Сәйдәшев татар халкының иң яраткан композиторларының берсе.
Салих Сәйдәшев революциядән соңгы катлаулы чорда -җәмгыять тормышын яңарту вакытында музыка иҗат итә башлый. Музыкантлар алдында профессиональ милли музыкага нигез салу бурычы тора иде. Европага хас булган формаларны һәм композицияләрне куллануга карамастан, татар композиторларының музыкасының халыкка аңлаешлы һәм якын булуына ирешү кыенлыклыгы бар иде. Шундый авыр проблеманы хәл итүгә Салих Сәйдәшев зур өлеш кертте.
Ул — җыр ( ә бу Салих Сәйдәшев иҗатындагы төп жанр) һәм музыкаль драма кебек музыкаль жанрларда иҗат итте. Салих Сәйдәшев үзенең музыкаль-театр әсәрләрендә татар операсы, балет, симфоник музыкасының киләчәк үсешенә нигез салды.
Халык тарафыннан киң танылу алган беренче татар композиторы Салих Сәйдәшевнең музыкасы милли классика үрнәге булып санала.
