Казанда кайбер гаиләләр Президент түләүләренең документларын рәсмиләштерүгә керешкәннәр. Хәзер пособиеләр элеккегечә түгел, ә ел ярымга кадәр түләнә. Быел беренче балалары туган 15 меңнән артык гаилә финанс ярдәме алачак.
Настя әле йөри алмый, шулай да холкын күрсәтә инде. Яраткан шөгыле – әйләнә-тирә мохитны өйрәнү. Ә Валерия кулыннан Әлифба китабын төшерми. Китап карарга ярата. Әнисе Лилиянең әйтүенчә, гаиләне бер хезмәт хакына тоту җиңел түгел. Ана капиталы алу да ярдәм иткән.
Лилия Чибихина:«без беренче түләүне 2018 елда алдык. Кызыбыз Валерия туды. Безгә өстәмә пособиеләр рәсмиләштерергә тәкъдим иттеләр. Моның өчен нинди белешмәләр кирәклеген аңлаттылар. Без бу пособиеләрне ай саен тапшырдык һәм ала башладык.
Бу акчаны алар ел ярым дәвамында алганнар. Һәм өлешчә ипотеканы түләгәннәр. Хәзер Валериягә ике яшь тула, әти-әнисенә беренче балалары өчен түләүләрне яңадан алу мөмкинлеге бар. Законга пособие бирү вакытын 3 елга кадәр озайттылар.
Даруларга сертификат алу-тагын да күңелле яңалык. Түләү күләме-5 мең сум. Аларны Чибихиннар гаиләсе һәр балага 3 яшь тулганчы һәр ярты ел саен ала алачак.
Лилия Чибихина: «бу кечкенә балалары булган гаиләләргә зур ярдәм, чөнки балалар еш авырый, ә дарулар кыйммәт тора, бу гаиләләргә зур ярдәм.
Сертификатны алу өчен Республика матди ярдәм үзәге филиалына мөрәҗәгать итәргә кирәк. Аларны керемнәре яшәү минимумыннан кимрәк булган ике меңнән артык гаилә алган инде.
Гүзәл Зәйнакова, Сергей Павлухин.
