Кышкы урман хәзинәләре. Түбән Кама районы урманчылары ылыслы агач күркәләрен җыюны тәмамлады. Бу эш ике ай буена дәвам итте. Урманчыларга күркәләр ни өчен кирәк? Һәм уңышны ни өчен кыш айларында җыялар? Теманың дәвамы киләсе язмада.
Урманчылар ылыслы агачлар орлыкларын әзерләп куйды. Быелга эш төгәлләнде. Күркәләрне гыйнвар-февраль айларында кулдан җыйганнар. Урманчылар шушы вакытка сыешырга тиеш, чөнки соңласалар, мартта күркәләр ачыла һәм коела башлый.
Түбән Кама урман хуҗалыгы җитәкчесе урынбасары Радмир Галимов: «Менә бу капчыкта быелгы уңыш, анда төрле күркәләр. Кайберләре ачыла да башлаган. Чөнки быел кыш җылы булды. Ә җылыда күркәләр тизрәк ачыла. Орлыклар вак, Һәр күркәдән 10ар грамма чамасы орлык чыга.»
Быел урманчылар шактый күркә җыйганнар. Аны киптереп, Яшел Үзән районына җибәрәчәкләр. Орлыклар сертификат алырга тиеш. Ә аннанн соң Түбән Кама урманнарында үстерелгән күркә орлыкларын Татарстан урманнарына утырту өчен чәчеп үстерәчәкләр. Орлыкларның сыйфаты яхшы, чыдамлы.
Безнең план 20 килограмм ылыслы агачлар орлыгын әзерләү. Ә моның өчен барлыгы 2 тонна күркә җыеп алырга кирәк. Ике тонна күркәдән 20 килограмм орлык чыга.
Чәчеп үстерү өчен барлык күркәләр дә яраклы булмый. Артык кипкән яки ачыла башлаган күркәләр бәрәкәтсез. Агачның өске катламындагы күркәләр яхшырак. Аларны күтәрткеч краннар ярдәмендә җыйдык.
Чыршы агачы беренче күркә уңышын биргәнче, 15 ел буена үсәргә тиеш. Быел кирәкле күләмдә күркә җыелган. Көзен урманчылар яфраклы агачлареның орлык запасын туплаячак.
Кирилл Давкаев. Евгений Лызаев.
