Миллионлы шәһәрләр арасында Казан халыкның табигый үсеше буенча лидер булып тора.Шул ук вакытта Татарстан башкаласында туучылар саны кимегән. 2019 елда, 2018 ел белән чагыштырганда, 2 меңгә якын азрак бала туган. Үлүчеләр саны да алдагы ел белән чагыштырганда азрак булган. Россиядә 2019 елдан бирле Президент Владимир Путинның «май Указлары» нигезендә эшләнгән «Демография» илкүләм проекты гамәлгә ашырыла. Узган елда Татарстанда илкүләм проект буенча 5 мең 800 урынга исәпләнгән 28 балалар бакчасы төзелгән.
