“ТАССРга 100 ел” логотибын үзебездә җитештерелгән товарларга куячаклар. Аның максаты — ТАССРның 100 еллыгы уңаеннан республика брендын таныту. Буа татар дәүләт драма театры бинасында шәхси эшмәкәрләргә тантаналы шартларда сертификатлар тапшырдылар. Әлеге бренд белән кайсы эшмәкәрләр үз товарларын тәкъдим итәчәк? Алдагы язмада.
Белеме буенча повар-кондитор булган Ләйлә Шәрәфетдинова үз эшен моннан 8 ел элек башлап җибәрә. Бүген ул үз аягында нык басып торучы эшмәкәр. Аның товарларын районда гына түгел күрше Тәтеш, Апас районнарында, Ульян, Чувашия республикаларында да яратып алалар. Җитештергән товарларын “ТАССРга 100 ел” билгесе белән маркалый башлаганнар.
Биредә барлыгы 12 кешегә эш урыны булдырылган. 10 төрдәге продукция пешереп саталар.Аеруча гөбәдиягә сорау зур. Ул аны үз рецепты белән пешергән.Әлегә Буада аңа конкурентлар юк.
Биредә һәркемнең үз урыны. Кемдер камыр баса, икенче берәүләр эчлеген ясый, өченчеләр әзер товарны мичкә озата. Динә Шәрипова биредә 4 ел эшли.Үз эшен яратып, күңел биреп башкарганга пешергән ризыклары да тәмле була.
Сатып алучыларга җайлы һәм уңайлы булсын өчен шушында ук чәй эчү өстәлләре дә булдырганнар. Товар сатып алганда яңа мичтән чыккан камыр ризыкларыннан авыз итә алалар.
Бусы инде эшмәкәрләргә “ТАССРга 100 ел” билгесе өчн сертификатлар һәм истәлек медальләре тапшыру. Районда әлеге сертификатка ике эшмәкәр ия булды. Киләчәктә сертификатларны “Кайнар ипи”,”Шикәр заводы” һәм “Карлы ит йорты” оешмаларына бирәчәкләр.
Буа муниципаль районы Башкарма комитеты җитәкчесе Ранис Камәртдинов
“Район эшмәкәрләре үзләре җитештергә товарларга,сыйфат билгесе буларак, “ТАССРга 100 ел” билгесе белән товарларын моркировкалыячаклар. Сатып алганда без сыйфатлы товар сатып алуыбызга ышаначакбыз”
«ТАССРның 100 еллыгы” логотибы Татарстан бренды танылсын өчен, ике ел дәвамында республика территориясендә ирекле сертификация буларак кулланылачак.
Ранис Әхмәтшин,Айрат Насруллов.
