Язның иң матур бәйрәме- Халыкара хатын-кызлар көне якынлаша. Ә бу бәйрәмне, билгеле инде, чәчәкләрдән башка күз алдына да китереп булмый. Бигрәк тә ләлә чәчәкләреннән башка. Алдагы язмабыз әлеге матур чәчәкләрне үстерүче, Буада яшәүче Гүзәл Җаббарова турында. Узган ел ул 2 мең төп лалә үстерсә, быел бу сан 4 меңгә җиткән. Чәчәкләр дөнясында хәбәрчебез Ранис Әхмәтшин дә булып кайтты.
Лалә чәчәге –шактый көйсез гөл санала. Дөрес үстерсәң генә шаулап чәчәк ата. Гүзәл Җаббарова әле бу эш узган ел шөгыльләнә башлый. Иң элек суганчалар кайтарта. Аларның безнең якларда яраклашкан сортларына өстенлек бирә. Әлегә ул чәчәкләрне елга комында үстерә.
Гүзәл Җаббарова:”Бу чәчәкләр белән без узган ел шөгыльләнә башладык.Мин аларны кыш көне чәчәк атуларын күрәсем килде”
Теләк көчле булгач, урынын да табалар. Беренче тапкыр 2 мең төп лалә чәчәге үстерсәләр, быел 4мең төпкә җиткергәннәр. Эшне декабрьнең 15ендә үк башлыйлар.
Гүзәл Җаббарова: “10гыйнварда инде тиешелеп чыктылар. Ул вакытта температураны 12-14 градуска күтәрдек. Дымлылык 85% булырга тиеш”
Алар шул чәчәкләр белән яшиләр дисәң дә ялган булмас. Яшь бала кебек аларны һәрвакыт кайгыртып торалар. Чәчәкләр сау-сәламәт булсын өчен һаваны да вакытында җилләтеп торырга кирәк икән.Киләсе елларга чәчәкне агач чүбендә ,аннары суда үстерергә хыялланалар.
Гүзәл Җаббарова:”Быел елга комында үстердек. Бик авыр хезмәт. Киләчәктә агач чүбендә үстерергә хыялланабыз. Бу инде физик яктан күпкә җиңелрәк булачак”
Бусы инде яңа төзелә башлаган теплица. Киләсе елда барлык лаләрне шушында утыртырга исәпләре. Теплицаны да сатып алмаганнар. Ире барысын да үз куллары белән ясаган.
Гүзәл балачактан ук чәчәкләр үстерергә ярата. Шуңа да өй каршында күп сандагы чәчәкләр үсә. Роза, чалмабаш, климатислар әлегә салкын тимәсен дип каплап куелганнар. Барысы да яз җиткәнне зарыгып көтә.
Ранис Әхмәтшин,Айрат Насруллов.
