“Ак калфак” татар хатын-кызлары иҗтимагый оешмасы республикада күптән эшләп килә. Аның 30 еллык тархы бар. Кайбыч районы әлегә андый зур тәҗрибә булән уртаклаша алмый, ләкин оешып кыска гына вакыт эчендә шактый эш башкарырга өлгерделәр.
Галия Кайбицкая исемендәге музей Олы Кайбычтагы «Ак калфак» татар хатын-кызлары оешмасының җыелу урынына әйләнде дисәк могаен ялгышмабыз. Биредә еш кына утырышлар уздыралар , киңәш табыш итәләр .
Бөтендөнья татар хатын-кызлары иҗтимагый оешмасының Кайбычтагы бүлеге җәмгыятьтәге хатын-кыз проблемалары, гаилә, кызлар тәрбиясе, онытылып килүче гореф- гадәтләрне кире кайтару юнәлешендәге зур эшләрне чынга ашыра.
Ак калфак”ның Кайбычтагы җитәкчесе , шул ук вакытта “Салават күпере” спорт-сәламәтләндерү комплексын әйдәп баручы Җәмилә Сәгыева фикеренчә әле эшнең асылы бик тирәндә ята. Башка иҗтимагыш оешмалардан аермалы буларак Ак калфак иң беренче чиратта милли традицияләр үрнәгендә булачак әниләрне тәрбияләүгә зур өлеш кертә.
Мөршидә Җиһан,Таһир Хәсәнов
