Россия төбәкләре мәктәпләрендә туган телләргә багышланган бик күп төрдә олимпиадалар үткәрелә. Мордовия Республикасының филология факультеты базасында туган телләр, шул исәптән татар теле буенча республика олимпиадасы узды. Бу хакта тулырак мәгълүмат Мордовия дәүләт телеканалы белән берлектә әзерләгән язмада.
Николай Огарев исемендәге Мордовия Университеты даими рәвештә бөтенроссия һәм халыкара дәрәҗәдәге республика ярышлары уздыру мәйданчыгына әверелә. Олимпиадада Мордовия Республиканың Саранск шәһәре округы һәм районнары мәктәпләреннән килгән 9-11 сыйныф укучылары катнашты.
Татар теле олимпиадасында мәктәп укучылары викторина, инша һәм башка биремнәрдә белемнәрен һәм сәләтләрен күрсәтте. Мондый чараларда даими катнашу укучыларның милли үзаңын үстерүгә ярдәм итү белән беррәттән киләчәктә Татар теле һәм әдәбиятыннан халыкара олимпиадада катнашуга этәргеч бирә.
Мөршидә Җиһан,Ольга Чернова.
