Кукмарада традицион «Урман чаңгы юлы» бәйрәме, ягъни урманчылар ярышы үтте. Быел ул ТАССРның 100 еллыгына багышланды. Шулай ук Лубян бистәсендә Бөек җиңүнең 75 еллыгына багышланган хәрби — гамәли спорт төрләре буенча ярышлар да узды. Кукмарадан репортаж.
Старт алдыннан никадәр күбрәк шаярсалар, ярышлар да шулкадәр кызыклырак уза. Ә аграр университет студентлары быелгы унынчы спартакиадага бары тик җиңү максаты белән килгәннәр.
Ярышларда барлыгы ике йөзгә якын мәктәп укучысы, студентлар һәм урман хуҗалыгы хезмәткәрләре, абруйлы ветераннар да катнашты. Нурсил Гыйбадуллин узган ел өченче урынны алганґ. Ә быел беренче урынга чыгуны максат иткән.
Быелгы Спартакиада ТАССРның 100 еллыгына багышланды. Спортның башка төрләре буенча да ярыштылар. Бөек Ватан сугышында җиңүнең 75 еллыгына багышлап хәрби-гамәли спорт төрләре буенча да ярышлар узды. Ришат Зарипов армиядән кайтканнан бирле кулына корал тотмаган. Барысын да кабат исенә төшерергә туры килде.
Көн дә матур иде. Ә самоварда кайнаган хуш исле үлән чәй эчү, милли ашамлыклардан авыз итү һәркемнең күңелен күтәрде.
Кукмара муниципаль районы башлыгы Сергей Димитриев: «Без шундый ярышларны бик теләп оештырабыз. Ул спорт сөючеләрне берләштерә, ә бергә көч сынашканда, фикерләр дә уртак була.»
Любян урманчылык көллиятендә барлык республикага белгечләр укытыла.
Ә спартакиада уңаеннан биредә урман хуҗалыклары җитештергән товарлардан күргәзмә дә оештырылган иде.
Инна Данилова, Дамир Мөхәммәтханов.
