Галиәсгар Камал исемендәге театрда Татарстанның һәм Россиянең халык артисты Әзһәр Шакировка 80 яшь тулу уңаеннан иҗат кичәсе узды. Күренекле артист юбилей тамашасын әтисе һәм әнисе турында истәлекләрдән башлады. Моннан биш ел элек әнисе турында әдәби-драматик композиция тәкъдим иткән булса, бу юлы әтисе турында сөйләде. Әзһәр Шакировны театр коллективы, башка иҗат оешмалары вәкилләре, күпсанлы иҗатташ дуслары, якыннары, якташлары, дәүләт эшлеклеләре котлады, артистның күп еллык иҗади эшчәнлеген югары бәяләделәр.
Күренекле артист Әзһәр Шакировның юбилей кичәсеннән әзерләнгән репортажны тулырак “Хәерле көн, Татарстан!” тапшыруында карый аласыз.
