Буа районы фермерларының да колачы киңәя. Людмила һәм Владимир Скрипкиннар 13 ел инде Ямбулат фермасында 50дән артык бозау карыйлар. Сыерлар күпләп бозаулаган вакытта бу сан артып та китә. Терлекчеләрнең бүгенге мәшәкатьләре белән безнең иҗат төркеме дә танышып кайтты.
Людмила Скрипкина : «Иртән без сәгать бишкә киләбез инде. Ирем килүгә малларның асларын чистарта. Сыералрга салам, сенаж таратабыз. Арпа пешерергә куябыз. Бозауларга сөт эчерәбез. Кечерәкләрен көнгә 3әр тапкыр эчерәбез »
Владимир Скрипкин: «Син моны, мин моны эшлә дип бүлешмибез. Һәркайсыбызның үз вазыйфалары.”
Бозаулату бүлегенә эшкә Людмила Скрипкина 13 ел элек килә. 7 елдан соң бу эшкә ире дә кушыла. Шул көннән башлап ир белән хатын биредә икәү генә эшлиләр. Хәзер Скрипкиннарның бозаулату бүлегендә 50 баш бозау бар. Шунда ук сыерларны бозаулаганчыгак адәр тоту бокслары да бар. Үгез бозаулар 20 көнгә кадәр тотыла.Ананн соң ит өчен үстерелә торган хуҗалыкка сатыла. Барлык яңа туган бозауларга угыз сөте эчерү каралган. Скрипкиннар гаиләсе хезмәтеннән ферма идарәчесе дә канәгать. Бер бозауга уртача тәүлеклек артым 781 грамм тәшкил итә.
Хәзер Ямбулатта сөтчелек тармагында гына эш алып бара. Бу хуҗалыкта бүген көнлек уртача савым бер сыердан 30 литрны тәкшил итә.
Ранис Әхмәтшин, Айрат Насруллов
