Әле яңарак кына Казанда йорт җиһазлары ясаучыларның халыкара семинары булып үтте. Кунаклар Республиканың «Победилово» җитештерү мәйданчыгына җыелды. Өч көн дәвамында белгечләр тәҗрибә уртаклашты, Татарстанның мебель индустриясендә кулланыла торган заманча технологияләрне өйрәнде.
Цифрлы икътисад тормышыбызга елдан-ел тирәнрәк үтеп керә. Әнә шул рәвешчә дизайнерлар теләсә нинди проектны чынга ашыра.
Сыйфатны күтәрү, җитештерүнең үзкыйммәтен киметү максатыннан күп компанияләр яңа технологияләр кертә. Идел групп җәмгыяте дә үз эшен цифрлы программалар белән идарә ителүче эшкәртү җайланмалар һәм роботлаштырылган техника нигезендә башкара. Шуңа да әлеге җитештерү мәйданчыгы арендаторлар өчен дә кулай. Илнур Ялаев биредә бина арендалый һәм йорт өчен корпуслы җиһазлар ясый.
Cатып алучылар өчен төп күрсәткеч сыйфат. Әйтик аш бүләмсе өчен ясалган шкафлар сыйфатсыз материалдан эшләнсә, бигрәк тә табак кашык юган урында су чәчрәп өстәл шешеп чыгарга мөмкин. Бу җәһәттән биредә чимал ясауда яңа ысул -кулланыла. Мәсәлән, әлеге тактачыкларның берсе гади җилем белән ябыштырылган, ә икенчеседә полиуретан кулланылган. Бер тәүлек суда тотканнан соң да полиуретан кулланып ясалган тактачыкка бернинди зыян килмәгән.
Алия Исмәгыйлева : «Әлеге семинарда үзебезнең яңача эш алымнарын аңлаттык. Безнең станоклар компьютер белән идарә ителә. Анда бар да төгәл исәпләнә хата китү мөмкин түгел.»
Сыйфатлы материал һәм заманча җиһазлар-бу фирманың төп өстенлеге. Белгечләр аның белән Халыкара семинарда бик теләп уртаклаша.
Мөршидә Җиһан. Владимир Юрков.
