Республиканың гражданнар инициативасын яклау үзәге пенсионерлар берлеге белән берлектә олы яшьтәгеләр өчен интернет мошенниклардан саклану буенча семинар үткәрде. Лекцияләр укудан тыш, интеллектуаль викторина да оештырылды. Интернет челтәреннән файдаланучы пенсионерларның уяулыгы белән хәбәрчебез дә кызыксыныды. Рәйсә Бикбулатова интернет мошенникларның кырын эшләрен яхшы белә. Туктаусыз акча отуга вәгьдә итүләр, онлайн аша шикле сатып алулар белән үзенә дә очрашырга туры килгән.
Интернет аша алдакчылар тозагына эләкмәс өчен, медицина көллияте укытучысы компьютер белемнәре курсларына язылган. Әлеге курслар 2007 елдан башлап олы яшьтәге пенсионерлар өчен оештырыла. Әлегә кадәр курслар популяр мәгариф юнәлеше булып тора.
Касперский лабораториясе белгечләре мошенниклар тозагыннан саклану буенча семинар оештырды.
Касперский лабораториясенең мәгълүмати куркынычсызлык буенча белгече Павел Александров: “Бушлай сыр капкында гына булырга мөмкин, шуны онытмаска кирәк. Болай гына анкета тутырган өчен зур суммада берәү дә акча түләмәячәк, әйтик 6 сорауга җавап биргән өчен генә 200 мең сум акча ала алмаячак.
Үзләштергән материалларны хәтердә калдыру өчен, белгечләр өлкән яшьтәге студентларга интеллектуаль викторинада уйнарга тәкьдим итте. Белемнәрне сынап карау өчен бу командага безнең иҗат төркеме дә кушылды.
Без дә барлык сорауларга тәгаен генә җавап бирә алмадык. Ә менә олы яшьтәгеләр һәр сорауга җавап бирергә әзер иде. Компьютер белемнәре курсларында өлкән яшьтәге теләсә кем укый ала. Хәзер чираттагы курсларга язылу башланды.
Булат Шакиев, Дамир Мөхәммәтханов.
