Кояшлы көн, йөзләрдә көләч елмаю. Мамадышта чанада шуучыларның традицион фестивале узды. Гадәти булмаган чаналарда таудан шуу кызыклы шоуга әйләнде. Фестивальдә катнашучыларның байтагы үзләре ясаган чаналарда шуды. Аларның осталыгын жюри бәяләде. Мамадышта төрле чаналарда таудан шуу фестивале быел дүртенче тапкыр үтте. Сәламәт яшәү рәвешен чагылдырган күңелле бәйрәм һәркемнең күңеленә хуш килде. Көннәр җылы тору сәбәпле, фестивальне уздыру вакытын гел кичектереп килгәннәр. Һәм, ниһаять суытты.
» Чаналар күргәзмәсе гаҗәеп дәрәҗәдә мавыктыргыч иде. Осталар нинди генә чаналар ясамаганнар, быр хыялларын, сәләтләрен эшкә җиккәннәр. Арада хәтта иске ат чанасыннан таякларда басып торган кечкенә өй ясаучыга кадәр бар.
Әлеге проект авторы — Игорь Шириков –фестивальдә ел саен катнша. Ул ясаган алты чананың 4 сен жюри билгеләп үтте.
Игорь Шириков: «Беренче елда мич, бассейн бар иде. Чишенеп суда да коендык. Икенче елны болан чанасын күрсәттем. Янәшәдә генә мунча бар иде, тиешенчә шунда парланып утырдык.
Чаналар елдан-ел камилләшә, кызыклырак була бара, фестивальдә катнашучылар саны да артып тора.
Мамадыш шәһәре башлыгы урынбасары Айнур Әгъләмов: «Чаналарны 4 критерий буенча бәялибез. Креатив чаналарны карыйбыз, тамашачыларга ошаганнарын сайлап алабыз.»
Фестивальдә 36 команда катнашты. Арада Мисыр патшасы, чит планета кешеләре, Ну погоди мультфильмыннан бүре образларына кадәр бар иде. Беренче тапкыр катнашучылар да булды.
Федор Корешков: «Менә бу Татарстанда эшләнә торган Камаз, ул Дакар узышларында 17 тапкыр җиңеп чыкты.Шундый статуэтка да бар.
Шушы атрибутларны күп еллар дәвамында җыйганнар. Күпләр балачактан Камаз мастер командасына эләгергә хыяллана.Чаналар фестивале хыялны чынга ашыруда бер адым.
Быелгы үрнәк өч ярым метр биеклектә һәм 450 метр озынлыкта. Без утырган КамАЗ өчен дистанция авырга туры килде. Иң мөһиме җиңү түгел, ә катнашу! Конкурсантлар да, тамашачылар да туйганчы көлде.
Булат Шакиев, Ринат Сәхипгәрәев.
