Татарстанда «Куркынычсыз һәм сыйфатлы автомобиль юллары» илкүләм проектын гамәлгә ашыру барышында 40 юл челтәре объектында яңа технологияләр кулланылачак. Бу хакта республика Транспорт һәм юл хуҗалыгы министрлыгының матбугат хезмәте хәбәр итә. Илкүләм проектны гамәлгә ашыру кысаларында юл тармагында кабат кулланыла торган яңа һәм иң яхшы технологияләр, материаллар реестры төзелде. Реестр 300дән артык технологияне, 162 конструкцияне һәм юл тармагын регламентлау документларын үз эченә ала. “Куркынычсыз һәм сыйфатлы автомобиль юллары» илкүләм проектын гамәлгә ашыру барышында 2020 елда республикада 44 юл челтәре объектына ремонт ясалачак. Россия Президенты Владимир Путинның 2018 елның 7 маендагы указында күздә тотылган илкүләм проектлар Россиядә 2019 ел башыннан бирле гамәлгә ашырыла.
