Кечкенә Кристина әле беренче адымнарын да атларга өлгермәгән, ә менә әти-әнисенә торак шартларын яхшыртырга булышкан инде. Родионовлар гаиләсе өченче балалары тугач, дәүләт ярдәмен алган – өлешчә ипотеканы каплаганнар. Россия президенты Владимир Путин билгеләгән Демография илкүләм проекты бурычлары буенча дәүләт ипотека кредитын каплауга 450 мең сум акча түли. Моның өчен 2019 елның 1 гыйнварыннан алып гаиләдә өченче яки чираттагы баланың тууы шарт.
Мария Родионова: “Бернинди киртәләр дә юк. Мин башта табыш буенча чикләүләр кертелер дип уйлаган идем..Бу социаль ипотека түгел, керемнең яшәү минимумына җитмәвен расларга туры килмәде”
Кашаповлар гаиләсе торак заемына фатир алып теркәгәннәр һәм бер ай үткәч, аны дәүләт ярдәмендә каплаганнар да.
Римма Кашапова: «Без 2 декабрьдә документларны тапшырган идек. Яңа ел алдыннан 31 нче декабрьдә 450 мең сум акчаны алдык. 21 көн эчендә”
Дәүләт яклавы программасы 25 нче сентябрьдән бирле гамәлдә. Тат арстанда анрнан бер мең гаилә файдаланган.
Эльмира Зарипова, ТР Хезмәт, мәшгульлек һәм социаль яклау Министры: “Барлыгы 1 мең биш йөз гариза керде. Быел гаризалар санынын артуын көтәбез. Программа узган елның сентябренннән генә эшли башлады, кыска гына ваыктта бер меңнән артык гариза уңай хәл ителде”
Ярдәм алу өчен берничә этапны узарга кирәк. Заем алучы гариза һәм документлар белән кредит бирүчегә мөрәҗәгать итә, доукментлар тикшерүгә ДОМ.РФ акционерлык җәмгыятенә җибәрелә. Шуннан соң акчаны күчереп, бурычны каплыйлар. Процессның барышын онлайн режимда тикшереп була.
Регина Сафиуллина, Рәфкат Зыятдинов
